شكونو ملك اسواتيني؟
أثار ملك إسواتيني “مسواتي الثالث” موجة تنمر عالفايسبوك أثناء زيارتو لتونس باللباس التقليدي خلال فعاليات تيكاد8. برشا ناس علقت على لبسة الملك والبعض الأخر علق على دولة اسواتيني اللي أغلب التوانسة ما يعرفوهاش.
هذوما بعض المعلومات على مملكة اسواتيني وعاداتها:
1) مملكة اسواتيني
اسواتيني أو مملكة سوازيلاند سابقا, هي مملكة تقع في الجزء الشرقي لجنوب افريقيا, يعيش فيها قرابة 1.3 مليون ساكن ويعتمد اقتصادها على الثروات الطبيعية خاصة المعادن وانتاج السكر,القطن والعنب كيما تعتبر وجهة هامة للسياح في قارة افريقيا حيث يزورها سنويا قرابة 350 ألف سائح. أغلب السيح يزوروها باش يمارسو الرياضات الجبلية ويزورو المحميات الطبيعية اللي فيها حيوانات متنوعة.
2) العادات السوازية
أهم الحاجات اللي تجذب السياح لإسواتيني هي العادات السوازية, خاصة المهرجانات. نلقاو في المملكة زوز مهرجانات كبرى, الاول هو مهرجان Umhlanga اللي يصير على شرف الملكة الام ويحتفلو فيه بالجمال والفضيلة. يتجمعو ألاف العذارى خلال المهرجان ويحملو مجموعة من القصب السكري يبنيو بيه سور حول مكان اقامة الملكة. الاحتفال الثاني هو ال Incwala يتجمع فيه ألاف المحاربين مع الملك ويقدمو رقصة باللباس السوازي.
3) الملك مسواتي الثالث
تولى الحكم عام 1986 في عمر ال 14 سنة بعد وفاة والدو الملك. انتقل لبريطانيا باش يكمل تعليمو في حين تولى زوز من زوجات الملك الحكم حتى رجوعو. الملك مسواتي متزوج من 14 امرأة وعندو 25 طفل لكن العدد هذا ضعيف قدام والدو الملك سوبوزا الثاني اللي كان متزوج من 70 امرأة وعندو 270 صغير وقرابة 1000 حفيد. من العادات السوازية انو الملك يتزوج فتاة من كل قبيلة.
باش تعرف اكثر تفاصيل على اسواتيني, تفرج في الفيديو.
سارة البلومي