زعما نجمو نصنعو صغير عبقري؟
حسب عالم الانتروبولوجيا فرانسيس غالتون العبقرية هي حاجة تنتقل وراثيا وهذا اللي يفسر تنقل المهارات من جيل لآخر يعني يكفي أنو يتكاثر العبقري باش ينقل جيناتو ويجيب أكثر عباقرة للعالم كيما ثبت علميا أنو البيئة تؤثر بشكل كبير على بناء الصفات المعرفية أثبتت الدراسات أنو الذكاء 68% بالوراثة و 32% بالبيئة.
هل يمكن للإنسان أن يصبح عبقري ؟
الذكاء فطري أما التفكير بذكاء هو حاجة مكتسبة تساهم برشا عوامل في تكوينها كيما.
1- البيئة ودورها الكبير
البيئة إللي يتولد فيها الشخص و العائلة عندهم دور مهم في تكوين ذكائه الفكري وهذا اللي صار مع أينشتاين هو ماكانش عبقري لكنو تولد في الوقت المناسب وفي العائلة المناسبةوالأهم من هذا أنو عايلتو ساعدوه في متابعة الفضول الفكير اللي كان عندو و إللي هو حاجة مهمة باش تكون العالم الفيزيائي الكبير “أينشتاين”.
2- ترتيب الولادة
أظهرت دراسة دانماركية أنو معدل الذكاء ينخفض بحسب ترتيب الولادة عادة الأب يكون أذكى من ولدو وولدو أذكى من الحفيد كيما أظهرت الدراسة أنو معدل ذكاء الأولاد يختلف حسب ترتيب ولادتهم.
3-الدماغ الأكبر أكثر ذكاء
توصلت دراسة أميركية في مجلة “الذكاء” إلى أنو فما علاقة بيولوجية بين حجم الدماغ ومستوى الذكاء تتم العملية هذي موش بقياس الحجم الخارجي للجمجمة لكن نجمو نقيسو حجم الدماغ بالتصوير المغناطيسي وأشار الباحثون لأنو قشرة دماغ المسؤولة عن التفكير والوظائف العقلية العليا تكون رقيقة نسبيا عند الأطفال الأكثر ذكاء والقشرة هذي تولي أخشن في سن الـ12 قبل ما تشهد نفس التراجع.
باش تعرف أكثر تفاصيل تفرج في الفيديو
بلسم العابد