حاجات يلزم تعملها باش تنجح عصيدة المولد
فما أكثر من نوع متاع عصيدة طلعو السنين اللي فاتت بخلاف عصيدة الزقوقو كيما عصيدة قلوب القرع واللي ياكلوها الناس اللي يعملو في ريجيم. عصيدة القلوب الكحلة وغيرها زادة من العصايد اللي طلعو جدد … لكن المولد متسمي على عصيدة الزقوقو الشاف الطباخ سيف الدين شعباني كان ضيف إنجح و حكالنا على أنجح وصفة للعصيدة .
1- مقادير عصيدة الزقوقو
- 500 غ عجينة الزقوقو
- 250 غ فرينة
- 2 لتر ماء
- 350 غ سكر ( إنت وقداش تحبها حلوة )
2-طريقة تحضير عصيدة الزقوقو
نخليو العجينة تتنفخ في الماء قبل بليلة من بعد نرحيو الخليط هذاكا باش كيف تطيب ماتجيش مكعبرة ومن بعد مانرحيوها نصفيوها. المرحلة اللي من بعد نزيدو الفرينة اللي رحيناها مع الماء باش ماتكعبرش …نحطو الخليط متاعنا على الغاز على نار خفيفة وديما نبقاو نحركو في الوسط وفي أجناب الطنجرة و آخر حاجة نضيفوها السكر حتى تغماق العصيدة.
باش تعرف أكثر تفاصيل تفرج في الفيديو …مولدكم مبروك و صحة و بالشفاء
بلسم العابد