تونسيات في وكالات فضاء عالمية
طموح المرأة التونسية ونجاحها لامس السماء و وصلها لوكالة الفضاء الأمريكية NASA اللي برشا علماء وباحثين يحلمو باش يخدمو فيها. رانية التوكابري و سلمى البركاوي زوز باحثات تونسيات وصلو لوكالة الفضاء الأمريكية.
1) سلمى البركاوي:
باحثة تونسية ووحدة من مؤسسين الجمعية التونسية للفضاء سلمى البركاوي انضمت مؤخرا لوكالة الفضاء الامريكية في مختبر الدفع النفاث ضمن أبحاث ما بعد الدكتورا. الدكتورة سلمى البركاوي بنت ولاية تطاوين, تحصلت على الدكتورا من فرانسا وكانت وحدة من المشرفين على مشروع Tun-Sat-One أول قمر صناعي تعليمي في تونس كيما خدمت على عدة مشاريع واستكشافات مع وكالة الفضاء الأوروبية.
2) رانية التوكابري:
أول رائدة فضاء تونسية في وكالة الفضاء الاوروبية, اختارتها بريطانيا في مشروع علمي دولي ينظموه مهندسين وعلماء في وكالة الفضاء الأوروبية لتدريب رواد الفضاء التناظري. رانية هي وحدة من الباحثين اللي في وكالة الفضاء الاوروبية اللي يخدمو على برنامج بناء قرية على سطح القمر. و تصنفت كأفضل المختصين الافريقيين في مجال الفضاء.
رانية كانت ضيفة انجح تونسية, باش تتعرفو عليها أكثر, تفرجو في الفيديو.
سارة البلومي