تعرف على مهرجان البلالمة
البلالمة, منطقة موجودة بمعتمدية غزالة من ولاية بنزرت, تبعد 100كم على تونس العاصمة, معروفة بشلالاتها اللي يبلغ ارتفاعها 30م وتعتبر مصدر للسياحة الايكولوجية. لكن المنطقة هاذي جنة منسية ومهمشة لذلك أسسو أولاد المنطقة جمعية “حلم البلالمة” لتنشيط المنطقة وتنميتها وقامو ببرشا تظاهرات أهمها مهرجان البلالمة. واحد من مؤسسي الجمعية “منير البلومي” كان ضيف انجح وحكالنا على المهرجان اللي شاركت شبكة انجح في تنظيمو.
المهرجان كان ينتظم قبل في شكل “الزردة” اللي يتبركو فيها بالاولياء الصالحين ويجتمعو فيها جل اهالي المنطقة, الجمعية استغلت التجمع هذا باش تحولو لتظاهرة ثقافية تروج فيها للسياحة وللصناعات التقليدية اللي تزخر بيها المنطقة. المهرجان في نسختو الثانية كان تحت شعار “عادات وتقاليد” وشهد حضور 1500 شخص من أهالي المنطقة وتضمن أنشطة للأطفال, خيمة للتعريف بمنتوجات المنطقة وعروض فروسية.
باش تعرفو أكثر تفاصيل, تفرجو في الفيديو.
سارة البلومي