تعرفشي اللي الشطيح علاج نفسي ؟
يعتبر الشطيح من الحاجات اللي تسبب الشعور بالسعادة عند برشا أشخاص ويعتبروه علاج نفسي من الدرجة الأولى على خاطر الموسيقى والحركات الإيقاعية تعمل على تغيير المود 180 درجة ، وتحد من الاكتئاب والتوتر والقلق. الرقص موش مجرد حركات خالية من الشعور، بقدر ما هو طريقة لإخراج الطاقة السلبية، والتخلص من التوتر، برشا مرات يصعب التحدث على الحاجات اللي مقلقتنا ، وهنا يكون الرقص لغة مثالية للتحدث على كل اللي نحسو فيه ماغير كلام.مصممة الرقص ريم عبد المولى كانت ضيفتنا في إنجح و حكات على فوائد الشطيح .
تعرف على الفوائد النفسية للرقص:
1- الثقة في النفس
يساعد الرقص على زيادة احترام الذات، وتعزيز الثقة من خلال القدرة على التعبير على مشاعرنا باستخدام الحركات، ويوفر مساحة يمكن فيها تطوير الإحساس بالارتباط والعمل الجماعي مع الراقصين الآخرين، الشي اللي يساعد على تقليل الشعور بالرهاب الاجتماعي. و يساعدنا زادة على تقبل أجسامنا. وهكا حكات ريم على شنوة تحس كيف تشطح؟
“نتصور الشعور الأول هو الشعور بالحرية كوني كبرت في تونس البدن كان ديما حاجة محرمة في المجتمع متاعنا حسيتها حاجة تقلق برشا وبالشوية بالشوية مع الرقص بديت نقبل بدني نقبل الأجزاء الكل متع بدني وليت نحبو ومعادش نشوفو كحاجة محرمة جملة“
مصممة الرقص ريم عبد المولى
2-يقلل من الإكتئاب والقلق
تقلل الحركات الجسدية للرقص من مستويات التوتر والقلق والاكتئاب،وين يساعد كيما الرياضات الأخرى على إفراز مواد كيميائية في المخ، كيما الأندروفين والدوبامين، وهما من الناقلات العصبية المسؤولة على مشاعر السرور والسعادة.
3-يعاون على التعبير
الرقص يعلم التعبير من خلال الحركة، وقت اللي تشطح تنجم تعبر أما موش بالكلام بالحركات ، تنجم تعبر على مشاعر الحزن من خلال الإيقاعات الموسيقية الهادئة مع الحركات البطيئة، والا التعبير على الغضب من خلال بعض الحركات السريعة ، وغادي وين تنجم تخرج كل المشاعر السلبية .
باش تعرف أكثر تفاصيل تفرج في الفيديو
بلسم العابد