الألعاب اللي تعلم و تخلي الصغير يكتسب مهارات
الألعاب التربوية والتدريبية هي وحدة من أهم وسائل نقل واستيعاب المعلومة، وغرس السلوك المطلوب عند الصغير تخليه يكتسب المهارات و تعلمو الإستقلالية والسبب هو تميزها بعدة خصائص مقارنة بالوسائل التعليمية الأخرى كيما :
- مخاطبتها لأكثر من حاسة عند الصغير
- الألعاب عملية ممتعةللصغار، تكسر الملل الموجود في طرق التعليم الأخرى
- الألعاب من أكثر الوسائل جذبا للإنتباه عند الصغار
الطبيبة النفسية للأطفال سليمة النيفر كانت ضيفة شبكة إنجح و حكاتلنا على أهمية الألعاب التربوية للصغار.
1. الألعاب التربوية أداة تعلم:
وين يتعرف الصغير على الأدوات اللي يستخدمها من حيث الوزن والحجم واللون والشكل، كيما يتعرف الطفل على قواعد اللعبة وأنظمتها، كيما ينجم يتعرف على الحقائق والخصائص والصفات للأشياء والناس اللي عندهم علاقة باللعبة.
2. تنمي الجوانب المعرفية:
يعني اللعبة تساهم في تنمية الجانب المعرفي عند الفرد من خلال قواعدها وأنظمتها، والصغير اللي يلعب يلزمو يستخدم قدراتو على التحليل والتركيب والابتكار في إطار القواعد هذيكا باش ينجح في اللعب.
3. تنمي الجوانب الاجتماعية:
تتطلب بعض الألعاب التعاون مع أفراد المجموعة، و تعود الألعاب الصغير على الاتصال مع الآخرين وكسب خبرة التعامل معهم، هذاكا علاش الألعاب التربوية تنمي مهارة العمل الجماعي ومهارة الاتصال مع الآخرين وتنمي زادة الجانب الانفعالي ويتعلم تقبل الفشل والا الخسارة في اللعبة .
4. يتعرف الصغير على قدراتو الطبيعية:
الألعاب التربوية تعطي الحرية المطلقة للطفل أنو يختار اللعبة اللي تناسب قدراتو , وبالتالي وقت اللي يتعرف على مهاراتو وقدراتو و يحاول يطور فيهم و يبدع في اللعبة بشكل طبيعي.
باش تعرف شنية الألعاب هذه و الألعاب المناسبة لكل عمر عند الصغار تفرج في الفيديو
بلسم العابد