وظائف ممتازة للمتقاعدين !
اليوم وفي تونس عدد المتقاعدين حسب المعهد الوطني للإحصاء هو مليون متقاعد موزعين بين القطاعين العام (320 ألف) والخاص (700 ألف)، ومن المرجح أن يرتفع هذا الرقم مع أفق 2024 ويوصل لمليون و200 ألف.من بينهم نجموا نلقاو شكون ماكانش مستعد للتقاعد و الا للقعدة في الدار و تعدا بفترات صعيبة لانو نظام حياتو الكل تبدل. لكن الحل موجود.
اعلاش التقاعد ما يكونش فرصة جديدة لبداية جديدة تنجم تخلق نجاحات و هذا ما يصير الا من خلال أنكم تحاولوا :
- تلقاو الخدمة المناسبة
اكتشف نوع الخدمة إللي تحبها و أعمل إجراء بحث لفرص العمل في منطقتك.
العديد من كبار السن يلقاو رواحهم و ينجحو في الوظائف التعليمية سواء في المدارس العامة الخاصة و إلا في الجامعات الخاصة. تنجمو زادة تلقاو في المكتبات والكليات وين تنجمو تتحصلو على إستشارات مهنية وأفكار جديدة.
- تستخدموا خبراتكم و معارفكم السابقين
من أحسن الطرق إللي تعاونكم باش تلقاو خدمة هي الإستفادة من خبرتكم السابقة.
ينجم يكون أحد أكبر مصادركم هي شبكة زملاء خدمتكم القديمة ومديرينكم السابقين بما أنهم يعاونوكم في توجيهكم في الإتجاه الصحيح.
كيما أنو خبرتكم تدل على مؤهلاتكم للوظيفة إللي تزيد من فرص حصولكم على الخدمة.
- تبداو في مشاريعكم الخاصة
برشا متقاعدين يختارو انهم يطلقو مشاريعهم اللي ولات حاجة شائعة برشا للي ما يحبوش أنهم يقعدو في الدار. فيهم إللي يولي مدرب و فيهم إللي يتوجه للتجارة و غيرها من الميادين.
كيما برشا منكم اكتشفو أنهم قادرين على تحويل هواياتهم لأعمال مربحة ذاتية الدعم.
لوجو على الحاجات إللي تحبوهم و مغرومين بيهم و أبداو في إطلاق مشاريعكم بالطبيعة بعد ما تعملو دراسات و بحوث على المجال.
- إنشاء موقع لشركتكم
إنشاء موقع إلكتروني هو جزء مهم لطرح اسم شركتكم في الأسواق و التعريف بيها.
و لو كان ما تنجموش تفتحو موقع واب تنجمو تلقاو مختصين في المجال هذا ينجمو يعاونوكم.
أنكم تستمرو في نشاطاتكم هي واحدة من أحسن الإستراتيجيات إللي تعاونكم في تقاعدكم.
ما تنساوش إللي الخدمة هي حاجة وحدة من برشا حاجات إللي تنجمو تعملوها في حياتكم .
ولاء الحبلي