وداعا ريم الحمروني

غادرتنا لبارح الممثلة والإعلامية ريم الحمروني. وقبل بنهارين ملي تتوفى كتبت الراحلة تدوينة قالت فيها إلي هي مريضة.

1- شخصيتها

ريم هي من النساء التونسيات المدافعات على حقوق الإنسان والحريات قبل الثورة وبعدها.

وكانت الفقيدة ضحاكة وصاحبة جو وفرد وقت شخصيتها قويّة و كانت بنت المسرح تعشق الراديو وسمعناها على إذاعة شمس أف أم، إذاعة موزاييك أف أم، إذاعة إكسبراس أف أم وإذاعة ديوان أف أم.

2-مسيرتها

تنوعت تجارب الراحلة من  مسرح لسينما للتلفزة والراديو وشاركت في مسرحيّة “الشقف” لسيرين قنون اللي تحكي على الحرقة. و”نوار الملح” للبحري الرحالي وغيرها من الأعمال المسرحية.

ومن أفضل أعمال الراحلة في السينما ”تالة مون امور” لمهدي الهميلي و”فترية” لوليد الطايع وبرشا أعمال أخرى.

وكيف نمشيو للتلفزة من أكثر الأعمال اللي تميزت فيهم الفقيدة “الحجامة” لزياد ليتيم والدور الأخير في مسلسل “حرقة”.