هكا يتعاملو مع الفشل
برشا ناس تتصور أنو الفشل عائق في حياتهم وتاقف الدنيا عندو لكن فما ناس تتعرف تتعامل مع فكرة الفشل وتعرف أهميتو في المسيرة متاعهم للنجاح.
أنا مافشلتش, أنا ببساطة لقيت 000 10 حل ما يمشيش
المخترع توماس أديسون
هوما الناجحين في مجالاتهم لكن عرفو يتعاملو مع الفشل, كانو ضيوف إنجح في حياتك مع حمزة البلومي,وهذا شنوة يعنيلهم الفشل.
1-هيثم كشو
بعد ما قرا هيثم السيرة الذاتية لستيف جوبز فهم انو حتى الناجحين تعداو بفشل باش نجموا ينجحوا وبعد محاولات فاشلة أطلق تطبيقة البودكاست التونسي Reeds .بالنسبة لهيثم الفشل جزء من مسيرة النجاح لازم ريادي الأعمال يفشل باش يجرب أكثر و يتعلم أكثر و ينجح ومن السير الذاتية فهم أنو الدول الناجحة هي اللي تتعامل بطيرقة أخرى مع الفشل.
2-فرح بن رجب
الإعلامية فرح بن رجب نجمة قناة ART قالت أنو الفشل متاعها فخر ليها وتعتبر فشلها هي المسؤولة عليه. وكان جات الناس الكل تتبع كتاب للنجاح مافماش بصمة لحتى إنسان. يلزم كل واحد يفشل في تجربتو باش يتعلم و يعلم غيرو حاجة جديدة.
3-جعفر القاسمي
هو الممثل اللي فشل في مراحل من حياتو باش نجم اليوم يكون ممثل ناجح وهو اللي إختار لحياتو شعار “أنا أستطيع”.جعفر قال أنو بدايتو في الميدان كانت فاشلة لكنو يحترم و يأمن بالفشل على خاطر ما يفشل الا اللي يحاول وما تتعلم إلا ماتغلط و تصلح من روحك
باش تعرف هيثم كشو كيفاش فهم أهمية الفشل تفرج في الفيديو
بلسم العابد