من عادة الجدود عملت خدمة!
عفراء, ضيفة “انجح تونسية”, بنية تونسية اختارت خدمة من قاع الخابية ورجعت للعادة التونسية في تقطير مياه النباتات والزيوت الطبيعية. عفراء استفادت من التنوع النباتي في تونس ومن خبرتها في العلوم البيولوجية باش تنطلق في مشروعها. البداية كانت مع مشروع الماجستير متاعها اللي كان على استخراج الزيوت الاساسية من الكلاتوس ومن بعد واصلت في استخراج الزيوت متع برشا نباتات عندهم فوائد صحية وتجميلية.
من قطار بسيط صنعتو ب”طنجرة ضغط” انطلقت عفراء في استخراج مجموعة زيوت ومياه متنوعة يستعملو للتجميل والمداواة. اليوم عفراء تقدملنا مثال للمرأة التونسية اللي من تراثنا وتقاليدنا عملت مشروع ناجح.
باش تعرفو أكثر معلومات على فوائد النباتات, تفرجو في الفيديو.
سارة البلومي