كيف تحافظ على جودة السمع؟
حاسة السمع مهمة جدّا وهي اللي تخلي الإنسان يسمع الأصوات اللي دايرة بيه.
وحسب “منظمة الصحة العالميّة” في مارس 2022 أكثر من مليار شاب في العالم مهدّد بخطر فقدان السمع بين عمر 12 و 35 سنة.
60% ملي أعمارهم تفوت ال70 عام يعانون من هبوط في العصب السمعي.
اختصاصي الأنف والأذن والحنجرة الدكتور “حاتم غرزوزي”
وترجع برشا أسباب وراء نقص في السمع واللي هوما الوراثة مالعايلة أو طبيعة العمل اللي فيه برشا حس كيما المصانع والطيارات أو زادة كيف نكبرو في العمر خاصة السمع تبدا تصعف.
هاذم بعض النصائح بش تستحفظوا على حاسة السمع متاعكم وتحميوها من أي ضرر.
التحكم في الصوت
صوت الموسيقى أو الحس اللي تسمعوا يأثر مباشرة على حاسة السمع متاعك ولذا لازم تتحكم في صوت الموسيقى اللي تسمعها ومتكونش عالية برشا بش تحمي وذنيك.
تجنب التعرض لصوت يزيد مستواه على 100 ديسبل للبالغين و75 ديسبلا للأطفال
منظمة الصحة العالمية
وكان طبيعة الخدمة متاعك تفرض عليك إنك تسمع برشا حس كل يوم ومتتنجمش تتحكم فيه، أقل حاجة لازم ميفوتش الصوت الحد الأقصى متاعو واللي ديسبل 40 ساعة في الجمعة.
واقي للوذنين
إذا كان طبيعة الخدمة متاعك تخليك تسمع برشا حس قوي كل يوم كيما حس الماكينات في المصانع أو حس الطيارات في المطارات أو زادة حس الموسيقى القوي في القهاوي أو المطاعم ،لازم تلبس واقي لوذنيك اللي يعزل الأصوات القويّة بش تحمي حاسة السمع متاعك.
