كيفاه يوفق الصغير بين القراية والترفيه في العطلة؟
ديما الصغار يستناو العطلة بش يتفرهدوا ويخرجوا فاها ، في المقابل الأولياء يعيشوا حيرة في كيفية تقسيم وقت صغيرهم في العطلة.
نصائح بش ينجم الصغير يعدي العطلة بين المراجعة والترفيه ويعرف يستغل وقتو.
1/ تعلق قائمة عالحيط
لازم يعرف الصغير شنوا الحاجات الي لازم يراجعهم والبلايص االلي بش يزورهم، يكتبهم ويعلقهم في ورقة في الحيط وهكاكا كل يوم يبدا متفكر شنوا لازم يعمل يعني عبارة عندو جدول و باش يتبعوا.
2/تنظيم الوقت
الوقت مهم علخر وقت اللي نستغلوه بطريقة ايجابيّة ومنخليوش العطلة تتعدى وفي الاخير نقولو معملنا فاها شي، ينجم الولي يقسم الأسبوع الأول بش يفرهد فيه صغيره والأسبوع الثاني للمراجعة وحتى في وقت المراجعة نخليولو مساحة باش تنفس فيها والا يقوم بنشاط.
3/ التوعية والتفسير
لازم نحكيو مع الصغير ونفهموه شنوا حقوقو و شنوا واجباتو بش هكاكا يبدا فاهم الوضعية ويعرف انو قبل متوفى العطلة يكون عمل مراجعة شاملة وفرد وقت انو يكون بدّل الجو وتفرهد.
رانية رزيق
