كيفاه نتحكموا في الغضب في العلاقة العاطفيّة؟
فما أشخاص كيف يتغششوا معادش يتحكموا في أفعالهم وفي شنوا يحكيو، الغضب مالمشاعر اللي تأثر على العلاقة العاطفيّة.
الغضب شكل من أشكال الدفاع عن النفس أما إذا تحوّل لكراهيّة وانتقام على خاطر خبيت مشاعر الغضب في داخلك يولي يكبر ويتضخّم”
مستشار العلاقات والتواصل بين الأزواج “ديريل غولدنبرغ”
هاذم بعض الطرق بش تتحكّم في الغضب متاعك قدّام شريكك :
خمم قبل متتكلّم
وقت تكون في وسط العركة خوذ نفس بش تهدا وخلي وقت بعد المشكلة تتناقشوا فيه بش متجرحوش بعضكم في وقت الغش.
كون صريح
أهم حاجة في العلاقة العاطفيّة هي الصراحة. أذاكا علاش كيف تصير مشكلة وبعد ما ترتاح قول شنوا مقلقك وشنوا اللي غششك بضبط. وهكاكا ترتاح إنت نفسنيا وتخلي الطرف الاخر يصلح من أغلاطو وخاصّة متشدوش على بعضكم البغض.
وينصح موقع “gutefrage” المختص بالتواصل المجتمعي الشريكين إنهم يعرفوا يختاروا الوقت المناسب والطريقة المناسبة بش يصارحوا الطرف الاخر.
تعلّم أسمع
من الحاجات الخايبة كيف يتغشش الانسان إنو معادش يسمع الطرف الاخر ويولي يحب يحكي كهو بش يعبر على شنوا حاسس وشنوا صارلو وينسى إنو الطرف الاخر كيفو عندو رؤى وأحاسيس.
أول العلم هو الصمت والقاني هو حسن الاستماع
الكاتب والشاعر المصري “مصطفى المنفلوطي”
