كيفاش نطبقو التربية الإيجابية على صغارنا ؟
التربية الإيجابية هو مفهوم يهتم بمهارات كيما التأثير في الحياة والانضباط الذاتي والقدرة على التحكم في النفس وفهم المشاعر الشخصية عند الصغير، تحفز فيه تحمل المسؤولية,الإستقلالية, وتدربو على المهارات الحياتية…كيفاش نطبقو التربية الإيجابية على صغارنا ؟
1. القوانين اللي تطبق عليه تطبق على الجميع
يرتاحو الأطفال أكثر في البيئة اللي تحكمها قوانين والا مبادئ واضحة يحترموها الناس الكل، القوانين هذه يشارك في وضعها الأطفال كيما يلزمها تطبق على الكبار قبل الأطفال وهذا يصنع احترام متبادل وثقة كبيرة عند الأولياء، ويبعد الغضب الناتج على الحزم في المواقف الصعبة. إذا يخل طرف من الأبوين بقوانين العايلة يلزم يعتذر و التصرفات هذه تنمي في الصغير ثقافة الاعتذار من الولي كيف يغلط و تؤكد للطفل أنو طرف فاعل في المعادلة موش مجرد مفعول به.
2.الإنصات لمشاكل الصغير وتعليمو مهارات حل المشاكل
التعاطف مع الطفل هو من أهم مبادئ التربية الإيجابيةوالتواصل هذا عندو قواعد منها الاستماع الجيد وإظهار التعاطف بتعبيرات الوجه ونبرات الصوت ومشاركة الطفل مشاعرو وأفكارو و من غادي تنجم تعاون الصغير باش يحل مشاكلو اللي حكى عليهم عن طريق طرح الأسئلة و هو يحاول يلقى الحلول من الأجوبة متاعو .
3.عوضا على المدح شجع الصغير
«إنت ماهر في حل المسألة هذه»، موش : «أنت عبقري!» … جمل التشجيع هذه تخلي أثر كبير عند الصغير أكثر من المدح .لكن مدح الفعل اللي يقوم بيه الصغير يشجعو على التعلم وهو يشعر بثقة في نفسه وقدرة على الإنجاز .
4.التركيز على الحلول ماتلوموش على الأخطاء
الطفل وقت اللي يخطئ يسيطر عليه الشعور بالذنب والعجز ، ولومك عليه يزيد فيه الشعور هذا ومايخليهش يحسن التصرف في المرة الجاية، خليه يشارك في إقتراح حلول للمشكلة والا الخطأ اللي قام بيه ، الشي اللي يعزز فيه مهارات حل المشكلات ويرسخ عنده الثقة في قدرته على تجاوز الأزمات على المدى البعيد.
الأستاذة و الباحثة في علوم التربية خولة شعباني كانت ضيفة إنجح و حكات على التربية الإيجابية و كيفاش نطبقوها في العايلة و في الإطار المنزلي؟ باش تعرف أكثر تفاصيل تفرج في الفيديو
بلسم العابد