كيفاش غادر آخر جندي فرنسي التراب التونسي ؟
15 أكتوبر 1963 هو تاريخ خروج آخر جندي فرنسي من التراب التونسي ..وثيقة الإستقلال اللي وقعت عليها تونس في 20 مارس 1956 سمحت ببقاء قواعد عسكرية فرنسية في التراب التونسي ..لكن بعد أحداث ساقية سيدي يوسف تونس, عام 1958 تونس صححت معاهدة مع فرنسا بسحب جميع قواعدها العسكرية اللي في تونس. سحبت فرنسا قواعدها ما عدا قاعدة بنزرت .
واصلت تونس مطالبتها بإجلاء القاعدة اللي في بنزرت وحتى محاولات الحبيب بورقيبة مع “الجنرال ديغول” وقتها بائت بالفشل و في ماي 1961 قامت فرسا بأعمال توسعة في القاعدة اللي في بنزرت وين إعتبروه في تونس إعلان حرب.
“الزعيم الحبيب بورقيبة” حب يبرهن للناس أنو موش خائن كيما إتهمو “صالح بن يوسف” و واصل الضغط على فرنسا بتسليح الجنود . لكن في الحرب القوات كانت غير متكافئة القصف الفرنسي تواصل لمدة نهارين ونهار 23 جويلية تم إصدار قرار بوقف إطلاق النار . 670 تونسي لقاو حتفهم في الحرب هذه و 1155 جريح.
نهار 24 جويلية الأمين العام للأمم المتحدة يجي لبنزرت و يعاين الخسائر و القصف اللي صار في تونس و من نهارتها صورة فرنسا قدام العالم تهزت و في 1962 المفاوضات حول الجلاء بدات و نهار 15 أكتوبر 1963 تم الإعتراف بسيادة تونس الكاملة على ترابها الوطني.
الأستاذ طه المصمودي كان ضيف إنجح و حكالنا حكاية عيد الجلاء باش تعرف أكثر تفاصيل تفرج في الفيديو
بلسم العابد