فوائد الصيام على الصحة البدنية والنفسية
الصيام موش مربوط كان بالجانب الديني أما زادة عندو فوائد على الصحة البدنية والنفسية
على مستوى الصحة البدنية, الصيام:
ينقص مستوى الكوليسترول في الدم
يزيد مستوى الكوليسترول الصحي
ينقص في الوزن ويخلص من السمنة
يحسن من الحالات الي عندها زهايمر ويحسن صحة الدماغ
يزيد عدد كريات الدم الحمراء
ينقص في مستوى السكر ويقلل نسبة اصابة الشخص بالسكر
يخفض عوامل الالتهاب ومحفزات السرطان
على مستوى الصحة النفسية
بعيد على الأقاويل بأنو الصيام يخلي الشخص منفعل و”محشش” , الصيام:
ينقص من الاكتئاب والقلق لأنو يقوي المناعة على تحمل الضغوطات
يحفز على التفكير في التغيير الايجابي
يكون فرصة باش يتخلص الشخص من الادمان
يخرج الشخص من عزلتو لانو يخلق جو عائلي يقرب الأفراد من بعضهم وقت يتلمو على الطاولة في شقان الفطر
يخفف من الغش ويحسس الصائم براحة البال وفق لدراسة علمية عملتها مؤسسة حمد الطبية
باش نتحصلو على الفوائد المذكورة لازمنا نحافظو على الحركة ونتبعو نظام غذائي صحي كيما انو نعتدلو في الماكلة في شقان الفطر وفي السحور وناكلو بزايد خضرة وغلة ونقصو من الحلو في السهرية.
اسلام النفزي
