خطوات تضمنلك نجاح أي مشروع
تتطلب فكرة إنجاز مشروع ناجح تحليل و خطة عمل متكاملة و منظمة خاصة في ظل تشابه المشاريع و المنافسة الكبيرة الي قاعدة تصير اليوم في عالم الأعمال . أما تنجم تضمن ديمومة و نجاح مشروع و تخليه يكتسح السوق مش حاجة ساهلة ،لكن مش مستحيلة هذوما بعض الطرق تعتمدهم بش تنجح مشروعك و تخلقلو آفاق جديدة :
1) حدد المشروع و توقعاتك منه
من أكثر العوامل الي تفشل المشروع ، هي عدم وجود اتفاق متبادل بين أصحاب المشروع و المكلفين بيه في تفاصيل العمل و الأهداف الي يطمحولها من تنفيذه . اهم شي بعد تحديد فكرة المشروع هو تحديد الأهداف منه، و خاصة الإستماع الى آراء المساهمين فيه و الخبراء و ملاحظاتهم الي تنجم تساهم في تكوين طرق عمل منظمة و ناجحة
2) إختار خطة عمل مفصلة و منظم:
بعد اختيار فكرة المشروع و أهدافو، ما عليك كان تحديد خطة عمل مفصلة و الي تتمثل في تقسيم المهام على الموارد البشرية المكلفة بالمشروع و تحديد مسؤولية كل فرد مع تنظيم الوقت و تنفيذ جدول خاص بالإجتماعات .
3) إختار مستثمرين للمشروع:
الدعم المالي هو أهم خطوة لتنفيذ المشروع و ضمان نجاحو، بم إنو يساهم في تدريب الفريق المكلف بالعمل و دعمو و توفيرلو كل الي يحتاجوه من أدوات و أجهزة و موارد تقنية و بشرية و غيرو…
4) كون فريق عمل إستثنائي :
نجاح المشروع مربوط بالضرورة بالموارد البشرية المسيرة ليه . الديناميكية و الإنظباط من الصفات الي يلزم تميز فريق العمل بش تضمن نجاحو ، و بطبيعة ما ننساوش الكفائة المهنية و التمكن من برشا مهارات و خاصة لازم تكون عندو روح المشاركة و العمل داخل المجموعة.
5) قدم مضامين ذات جودة :
يرتبط نجاح مشروعك بجودة الخدمات الي يقدمها و يسعى لترويجها . لذلك لازم التركيز تكريس مجهود فريق العمل و توفير الدعم اللازم و خطط سليمة بش نتحصلو على نتيجة باهية في وقت منظم يرضي الطرف المقابل .
6) إختار خطة إتصال منظمة:
بش تكون مشروع ناجح في سوق الشغل اليوم لازم تسوقلو بطريقة جيدة و تركز على عملية الاتصال الي مرتبطة بالضرورة بفريق عمل ماهر في المحاورة و قادر انو يوصل رسالة معينة للمتقبل و يقنعو بيها .
7) طور أساليب العمل:
تطوير الأساليب الي تعتمدها في العمل تساهم في إنو يتماشى مع كل الأزمنة و الأمكنة و كل المستجدات. و باش يكون التطوير هذا مضمون، لازم يتم توفير كل الإمكانيات و الأجهزة الي تساهم في راحة فريق العمل و تشجعو على مواكبة التجديد و خلق افكار ترتقي بالمشروع و تضمن نجاحه مهما تغيرت الظروف.
نجاح المشروع يبقى نسبي مرتبط بالدراسات الاولية اللي تطبيق الخطوات هاذي ومحاولة التحسين منها في كل مرة ينجم يضمن سيرك في الطريق الصحيحة للنجاح.
سارة البلومي
