خديجة بن عرفة في الزمن الجميل !
بعد 50 سنة من العطاء للفن و في 9 مارس 2017 توفات الممثلة خديجة بن عرفة عن عمر ال66 سنة بعد صراع طويل مع مرض القلب.
خديجة من مواليد 1949 في تونس .بدات مسيرتها الفنية في عمر ال16 سنة بعد ما منحها المخرج عبد الرزاق الحمامى“دور البطولة بمسرحية “الضائعة و من هنا انطلقت خديجة فى عالم المسرح و الفن إللي قدمت فيه العديد من الأعمال لليوم في ذاكرتنا.
هي الممثلة إللي أدات أدوار راوحت فيها بين تلفزة الأبيض والأسود وتلفزة الألوان.
جدها و عايلتها الكلهم متعاقدين مع الفن و تصويرة جدها مرسومة في الراشدية.
من إللي هي صغيرة كي كان بوها يهزها للسينما خديجة تروح و تاقف قدام المراية و تقلد بطلة الفيلم مهما كان الدور أول ما دخلت للإذاعة كان عندها هدف آخر لكن لهنا الصدفة لعبت دورها.
كان آخرمسلسل ليها “أرجع غدوة من إنتاج الإذاعة التونسية فى رمضان في 2016.
أهم أعمالها !
- مسلسل الخطاب على الباب سنة 1996 .
- مسلسل منامة عروسية سنة 2000.
- مسلسل قمرة سيدي المحروس سنة 2002.
- مسلسل حسابات وعقابات سنة 2004.
- مسلسل الليالى البيض سنة 2007.
- مسلسل الحصاد سنة 1995.
- مسلسل ريح المسك 1999.
- مسلسل نسيبتي العزيزة الموسم 4.
- مسلسل مكتوب 2012 الموسم 2.
- سيتكوم بنت أمها الموسم الثاني سنة 2015 .
- الشفاعة مالخلاعة.
خديجة بن عرفة هي موش كان الممثلة لكنها هي أم لأربعة بنات وهي جدّة زادة و ديما تصرح أنها تعطي لحياتها الأسرية الأولوية لأنها تعتبر صغارها أهم إنجاز ليها حتى وإن كان عشقها للفن كبير.
باش تزيدو تعرفو حاجات على خديجة بن عرفة تفرجو في الفيديو
ولاء الحبلي