توانسة كونو ثروة من البحر

كيف نقولو ثروة بحرية, برشا منا يمشي فيبالهم نحكيو على الثروة السمكية أكهو لكن البحر فيه برشا حاجات نجمو نثمنوها ونستخرجو منها مواد مهمة برشا. ألفة الكيلاني و حمدي حشاد زوز توانسة عملو مشاريع رائدة من الطحالب البحرية وقشرة السرطان والكروفات.

1) حمدي حشاد:

تونسي نجح في استخراج وقود الطائرات من الطحالب البحرية وتم تجربتو على طائرة Airbus اللي التحق بيها بعد ما لقى الصد لفكرتو من تونس. الفكرة جات من السعر الارتفاع الباهظ في سعر المحروقات والتلوث اللي يسببها فبدى يخدم على المشروع من 2011 حتى تبناتو شركة صناعة الطيارات “ارباص” وتحصل على براءة اختراع.

2) ألفة الكيلاني:

تونسية نجحت في استخراج مادة “الكيتوزان” من القشريات البحرية كيما السرطان و الكروفات. بعد بحوث طويلة توصلت ألفة لإكتشاف فوائد مادة “الكيتوزان” اللي نلقاوها موجودة في القشرة الخارجية متع الكروفات والسرطانات. بعثت ألفة مشروعها المتمثل في صناعة مواد تجميل ومواد طبية من مادة “الكيتوزان” واليوم شركتها من أنجح الشركات الناشئة التونسية.

سارة البلومي