الرياضة في رمضان

تعرفشي اللي ممارسة الرياضة في شهر رمضان منصوح بيها من قبل الاخصائيين وهي من العادات الصحية الي تحافظ على صحة الجسم.  لكن فما قواعد باش ما نتعبوش و ما تكونش مضرة.

من إيجابيات ممارسة الرياضة في رمضان :

–تسريع حرق السعرات الحرارية.

–يحسن صحة الجهاز الهضمي.

–تحسين عمل الأعضاء. 

–تخلص البدن مالسموم والسوائل المحتبسة فيه.

القواعد

مع هذا باش نقدمولكم نصايح على كيفاش ووقتاش نمارسو الرياضة في رمضان

نتجنبو الأنشطة الشاقة الي تسبب التعب والارهاق السريع ونمارسو نشاطات خفيفة متطلبش مجهود كبير كيما المشي مثلا. 

الأوقات

المنصوح بيه هو ممارسة الرياضة لمدة 60 دقيقة قبل الافطار.

وممكن زادا ممارستها بعد بساعتين من شقان الفطر الوقت الي بش نهضمو فيه الماكلة ويتشحن البدن ويسترجع الطاقة ،ويقول المختصين في الاطار هذا انو ايجابيات الرياضة بعد شقان الفطر تتمثل في تحفيز عملية الأيض (وهي تحويل الماكلة لطاقة) وحرق السعرات الحرارية الي دخلت للجسم.

الطقس

مالمحبذ نمارسو الرياضة في طقس معتدل ومنتعرضوش برشا لأشعة الشمس القوية. 

المأكولات

نشربو بزايد ماء بعد شقان الفطر.

لازم تتوفر مواد الكربوهيدرات والبروتين في شقان الفطر كيما الشوفان والتمر والبنان والمكسرات.

إسلام النفزي