” اكتشفو أقدم bookiniste في تونس “
مكتبة “نهج إنجلترا ” في وسط العاصمةوالمعروفة عند المثقفين في تونس بـ “كهف علي بابا” هي المكتبة العامرة بأكثر من 80 ألف عنوان لروايات وكتب فلسفة وتاريخ ومراجع قديمة بأكثر من 8 لغات .
أسسها التونسي اليهودي “فيكتور غيز” من الخمسينيات قبل ما يشريها منو “بوراوي الهذلي” و هو والد فوزي الهذلي إللي اليوم هو صاحبها.
برشا حاجات تميز المكتبة هذي الحاجات أهمهم هو زيارة فريديريك ميتران ليها و حبو ليها و ريحة الكتب القديمة إللي ترجعك لسنين لتالي .
مع العلم و أنو يتراوح مؤشر القراءة في تونس في المكتبات العمومية من 0.58 إلى 1.9 كتاب لكل فرد في السنة حسب وزارة الثقافةويبلغ عدد زيارات المكتبات العمومية أكثر من 3 ملاين زيارةإضافة لتسجيل أكثر من 200 ألف مشترك في المكتبات هذي مع العلم و أنو تونس تضم 423 مكتبة عمومية في مختلف الجهات و 38 مكتبة متجولة إلا أنو نسبة قليلة من التوانسة مازالو مغرومين بالمطالعة.
باش تتعرف على المكتبة أكثر تفرج في الفيديو
ولاء الحبلي